رحلــــه الى اعمـــاق القلـــب

رحلــــه الى اعمـــاق القلـــب




انها الجلسه الثالثه لمجلس اراحه القلوب الصماء

نستهلها بسؤال هل قلبك قلب قلوب ؟



اجابه هذا السؤال سوف تجيب عليه بنفسك و دوري ما هو الا فقط " فك شفره قلبك " !!

انها ليست كأي شفره ..

و يالها من شفره تبدو في ظاهرها سهله الاختراق و لكن فكها يلزم جمع معلومات وافيه في جوانب عده !!



(,")سوف أتركك في حوار مع نفسك(",)



نفسك : لكم كنت غافلا مستغرقا في نوم عميق و اذ بي استيقظ على صرخه من دكتور دودو تقول " املأ الفراغ و ليس ما بين الفراغات "

اضغط الرابط للاستفاده القصوى من الموضوع


نفسك : أنا فعلا عندي فراغ شديد يكاد أن يمزقني و يتركني اشلاء انسان .. انه كــ ورم خبيث يتوغل داخلي بلا رحمه


اسمحلي أن أتطفل على حوارك مع نفسك و أوضح شئ قد لا يطرأ بذهنك و أقول أهم شئ لعلاج مشكله الفراغ أو غيرها من المشاكل هو " الادراك " بأنك فعلا عندك فراغ و تعترف بذلك لكي تستطيع أن تملأه و تسقي روحك من كأس لا تظمأ بعده أبدا


نفسك : أيقنت بذلك و استيقظ قلبي من نوم ثبات و تحركت بداخلي قواي التي لم أكن أعلم انها تكمن بي

نفسك : حان الآن اطلاق الطاقات لتعمل بمقاييس مختلفه و معايير و ضوابط .. لكن يا دودو ما قولتليش ازاي ؟؟؟


دودو : ملخص الكلام " بكل سرور, فلتكن حياتك اشارة مرور "

اضغط الرابط للاستفاده القصوى من الموضوع

نفسك : اشارة مرور ؟ يعني تقصد أضع نظام لحياتي و أعرف ازاي أقف و ازاي اهدئ و امتى انطلق ؟؟ بس كدا ؟؟

دودو : بالظبط !


بصراحه يا دودو مش عارف انت كنت فين من زمان ! أنا كنت حاسس بخنقه و مليش هدف واضح أو صريح !

دودو : هقولك .. بس ممكن لو سمحت تجاوبني على السؤال اللي فوق ؟؟!!

نفسك : قلبي قلب قلوب ؟ مممممم !! معلش مش فاهم السؤال بصراحه !!

دودو : قلبك قلب قلوب يعني قادر على فك شفره قلوب جميع الناس بكلمه حسنه , بفكره مفيده للجميع , بتذكير النفس بكل ما هو طيب !

نفسك : لكن يا دودو انت قلت دورك فك شفره القلب و بصراحه لو فكيت الشفره افتكر اني هقدر أجاوب !





دودو : متفقين ! قلبك كتله من المشاعر كثيرا ما يلتهب من " شوق – غل – حقد – ضغينه – كره – حزن "
و أيضا يتجمد من " تبلد المشاعر – عدم الاحساس بالمسؤليه – كثره الخطأ و فعله كأنه لم يعد خطأ أو كل الناس بتعمل كدا "

نفسك : مممممم ! والله معاك حق !


دودو : اذا تخيل كثره اللهيب و التجمد و تخيل لو حدث النقيضين في آن واحد ؟؟ كيف سيكون حال قلبك ؟؟ ما هي عواقب " امتزاج النقيضين " ؟؟

بالعاميه كدا , عايزيين نضبط الترموستات بتاع قلبك الأول !


اوعدني انك تجرب اللي هقولك عليه لمده اسبوع و جرب معايا انك تعمل حاجات حلوه كتير و لو عملت حاجه وحشه تعمل قصادها حاجتين حلوتين


يعني كل يوم هنعمل حاجه حلوه , و محدش يقولي الدنيا بايظه ..و يا عم هو انا اللي هصلح الكون ؟؟

بس تعالي و ابدأ بنفسك و كل واحد لما يبدأ بنفسه هيعلم غيره درس ..


مثلا ..

- اقلب في أسماء قائمه الموبيل و شوف مين من قرايبك من زمان ما اتصلتش بيه و قوم مكلمه و اطمن عليه
– ساعد مسّن " كبير في السن " و شيل منه الكيس التقيل اللي ماشي بيه
– ساعد كفيف انه يعبر الطريق
– مد يدك لطفل تعرقل و امسح عنه دموعه
– اجلس مع اخوك / اختك و اطمن عليه و اسأل محتاج مساعده في أي شئ

....الخ من أشياء حلوه


لمده أسبوع بس جرب أي حاجه حلوه .. كل يوم حاجه واحده و لو زودت كله في مصلحتك لكن خليك فاكر لو غلطت تعمل قصاد الغلط حاجتين حلوتين


تخيل لو كلنا عملنا كدا في نفس الوقت.. هايحصل ايه ؟

نتيجه واحده .. الحاجات الحلوه في حياتنا هتزيد و كلما يحاول الغلط انه يسيطر هيزيد الحلو الضعف !!

بكدا أنت فكيت شفره قلبك بنفسك و هتجاوب على السؤال عمليا و ليس فقط نظريا !!


و شوف قلب مين يتسع لاستعياب قلوب الناس أكثر و كلما استوعب أكثر سوف يكون في يوم ما قلبك قلب قلوب بلا شك !